Umboðssala á notuðum dekkjum og felgum
Sá sem selur dekkin skapar verðmæti sem annars liggja í geymslunni eða bílskúrnum – og sá sem kaupir getur gert mjög góð kaup.
Svona virkar það
Dekkjasalan ehf. veitir eingöngu föstum viðskiptavinum sínum þjónustu með umboðssölu á notuðum dekkjum. Umboðssalan er háð skilyrðum, bæði hvað varðar gæði og aldur, ásamt lagerstöðu hverju sinni.
Samningur
Þú kemur með dekkin eða felgurnar og gerir umboðssölusamning. Eigandi lýsir því yfir að um notað lausafé sé að ræða.
Auglýst og til sýnis
Við höfum vöruna í umboðssölu í allt að 8 vikur, auglýsum hana á dekkjasalan.is og höfum hana til sýnis á meðan.
Sala
Söluandvirði að frádregnum umboðslaunum og vsk. leggst inn á bankareikning eiganda 10 virkum dögum eftir sölu. Öll gögn eru send í tölvupósti.
Seldist ekki?
Við tilkynnum þér í tölvupósti og þú sækir vöruna innan 10 virkra daga eða gerir aðrar ráðstafanir í samráði við okkur.
Af hverju umboðssala?
Hugmyndin kviknaði eftir að eigandi fyrirtækisins hafði eytt miklum tíma í að leita að notuðum dekkjum og felgum sumarið 2009. Það þurfti að gera tilboð, bíða eftir svari, mæla sér mót við seljanda og keyra til að skoða – og seljendur stóðu í stanslausum uppfærslum á sinni hlið.
- Allt á einum stað, með skipulögðu utanumhaldi – sparar mikla vinnu og tíma.
- Líkurnar á að varan seljist aukast töluvert.
- Kaupendur eru betur tryggðir fyrir að fá þá vöru sem leitað er eftir, bæði hvað varðar verð og gæði.
- Betri nýting á verðmætum sem þegar eru til í landinu – og minni mengun og losun.
Gott að vita
Eigandi getur ekki rift samningi á samningstíma, en óski hann að taka vöruna úr umboðssölu greiðir hann 20% af áætluðu söluandvirði að viðbættum 24% vsk. Verði varan ekki sótt innan 10 virkra daga frá tilkynningu telst Dekkjasalan ehf. eigandi hennar. Vörur í vöruhúsi eru á ábyrgð eiganda – kynntu þér heimilistrygginguna varðandi lausafjármuni. Umboðsaðili ber ekki ábyrgð á göllum sem kunna að koma fram né skemmdum sem varan kann að verða fyrir.
